បក្សប្រឆាំងចាត់ទុកការចោទរឿងលុយ ២លានដុល្លារ ថាជាល្បិចនយោបាយ

មេដឹកនាំបក្សប្រឆាំង និងអ្នកតាមដាននយោបាយកម្ពុជា សម្តែងការមន្ទិលសង្ស័យយ៉ាងខ្លាំង ចំពោះអត្ថបទសារព័ត៌មានឥណ្ឌា The Sunday Guardian ដែលចោទថា សហរដ្ឋអាមេរិកបានផ្តល់លុយ ២លានដុល្លារ ជួយបក្សប្រឆាំង និងសង្គមស៊ីវិល។ ពួកគេយល់ថា ការចុះផ្សាយនេះ ជាល្បិចនយោបាយបម្រើផលប្រយោជន៍បក្សកាន់អំណាច ខណៈក្រសួងមហាផ្ទៃកម្ពុជា បានចេញការព្រមានភ្លាមៗ ដោយមិនបានស៊ើបអង្កេត ដែលត្រូវបានគេមើលឃើញថាជាចេតនារឹតត្បិតសេរីភាពនយោបាយ។