និស្សិតច្បាប់កញ្ញា យន់ សេងឡាត់ បានអនុវត្តទោសគ្រប់ចំនួន ២២ខែ និងត្រូវបានដោះលែងពីពន្ធនាគារ កាលពីថ្ងៃទី៧ ខែសីហា ក្រោយត្រូវបានចាប់ខ្លួន និងចោទប្រកាន់ពីបទ «ញុះញង់» ពាក់ព័ន្ធនឹងការបញ្ចេញមតិជុំវិញកិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV)។ កញ្ញា យន់ សេងឡាត់ លើកឡើងថា កញ្ញាមិនបានប្រព្រឹត្តិបទ «ញុះញង់» ដូចការចោទប្រកាន់របស់តុលាការឡើយ ព្រោះកញ្ញាគ្រាន់តែចែករំលែកចំណេះដឹងផ្នែកច្បាប់ និងបញ្ចេញមតិពាក់ព័ន្ធនឹងការធ្វើបាតុកម្មដោយអហិង្សា ក្នុងនាមជានិស្សិតច្បាប់ប៉ុណ្ណោះ៕
