អាជ្ញាធរថៃខេត្តជលបុរី បើកយុទ្ធនាការបោសសម្អាតអ្នកសុំទាន ដែលគេអះអាងថាជាជនជាតិខ្មែរ

ប៉ូលិសអន្តោប្រវេសន៍ថៃ នៅខេត្តឈុនបុរី (Chonburi) បានបើកយុទ្ធនាការបោសសម្អាតអ្នកសុំទាននៅតាមទីប្រជុំជនបានជាច្រើននាក់ ក្នុងនោះអាជ្ញាធរថៃបានអះអាងថា មានពលរដ្ឋខ្មែរចំនួន១០នាក់ផងដែរ។ អាជ្ញាធរថៃ បញ្ជាក់ថា ក្នុងចំណោមពលរដ្ឋខ្មែរទាំងនោះ គឺបានលួចឆ្លងដែនចូលមកក្នុងប្រទេសថៃដោយខុសច្បាប់ ដោយក្នុងនោះមានទាំងកុមារ និងទារកទៀតផង។