កម្ពុជាបន្តជាប់ចំណាត់ថ្នាក់អាក្រក់បំផុតក្នុងរបាយការណ៍ជួញដូរមនុស្សរបស់សហរដ្ឋអាមេរិក

ក្រសួងការបរទេសសហរដ្ឋអាមេរិកបន្តដាក់ចំណាត់ថ្នាក់កម្ពុជាអាក្រក់បំផុត (Tier 3) ពាក់ព័ន្ធនឹងការប្រយុទ្ធប្រឆាំងអំពើជួញដូរមនុស្ស។ ចំណាត់ថ្នាក់អន់បំផុតនេះគឺដោយសារតែសហរដ្ឋអាមេរិករកឃើញថា រដ្ឋាភិបាលកម្ពុជាមិនបានប្រឹងប្រែងលុបបំបាត់អំពើជួញដូរមនុស្សតាមស្តង់ដារអប្បបរមា និងមិនបានចាត់ការលើមន្ត្រីជាន់ខ្ពស់ រួមទាំងឧកញ៉ាគ្រាក់ៗដែលឃុបឃិតជាមួយឧក្រិដ្ឋជនជួញដូរមនុស្សទៅក្នុងមជ្ឈមណ្ឌលឆបោកតាមអនឡាញនានាក្នុងប្រទេសកម្ពុជា។