ប្រជាពលរដ្ឋ និងកងទ័ពខ្មែរ បានរម្លឹកខួបមួយឆ្នាំ នៃព្រឹត្តិការណ៍ផ្ទុះសង្គ្រាមឈ្លានពានលើកទី១ ពីសំណាក់យោធាថៃមកលើកម្ពុជា កាលពីឆ្នាំ២០២៥ បណ្ដាលឱ្យប្រជាពលរដ្ឋខ្មែរជាច្រើននាក់ស្លាប់ និងបាត់បង់ផ្ទះសម្បែង ខណៈទឹកដី និងប្រាសាទបុរាណនៅតាមបណ្ដោយព្រំដែនជាច្រើនទីតាំងផ្សេងទៀត ត្រូវយោធាថៃចូលកាន់កាប់។ នៅក្នុងខួប១ឆ្នាំនៃសង្គ្រាមនេះ ទាហាន និងប្រជាពលរដ្ឋខ្មែរបានបង្ហាញក្ដីឈឺចាប់ ចំពោះសកម្មភាពឈ្លានពានទាំងកំរោលរបស់យោធាថៃមកលើកម្ពុជា និងទាមទារឱ្យមេដឹកនាំកម្ពុជាទាមទារយុត្តិធម៌ជូនប្រជាជាតិ។
