ប្រធានគណបក្សប្រជាជនកម្ពុជាលោក ហ៊ុន សែន បានប្រាប់អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា លោក ថម អេនឌ្រូ (Tom Andrews) ថា កម្ពុជាបើកចំហឱ្យមានការបញ្ចេញមតិ និងការរិះគន់ក្នុងន័យស្ថាបនា ប៉ុន្តែ ការអនុវត្តសិទ្ធិត្រូវស្ថិតក្រោមច្បាប់។ ការលើកឡើងនេះ ត្រូវបានក្រុមអង្គការសង្គមស៊ីវិលឆ្លើយតបថា ស្ថានភាពសិទ្ធិមនុស្សគួរតែវាយតម្លៃតាមការអនុវត្តជាក់ស្តែង មិនមែនត្រឹមការអះអាងរបស់រដ្ឋាភិបាលនោះទេ។
