ទាសករអាជីវកម្មឆបោកតាមអនឡាញនៅព្រំដែនកម្ពុជា-ថៃ ត្រូវបានបង្ខាំងក្នុងអគារទោះមានការផ្លោងគ្រាប់បែករបស់យោធាថៃ

ទាសករនៃអាជីវកម្មឆបោកតាមប្រព័ន្ធអនឡាញចម្រុះជាតិសាសន៍ត្រូវបានឧក្រិដ្ឋជនបង្ខាំងទុកនៅបរិវេណអគារក្នុងរមណីយដ្ឋានអូរស្មាច់ នៃខេត្តឧត្តរមានជ័យរបស់លោក លី យ៉ុងផាត់ និងបង្ខំឱ្យពួកគេបម្រើការងារជាអ្នកឆបោកតាមអនឡាញដូចសព្វមួយដង ទោះបីយោធាថៃបន្តទម្លាក់គ្រាប់ផ្លោងឈ្លានពានចូលតំបន់នោះក្ដី។ អ្នករស់នៅតំបន់អូរស្មាច់អះអាងថា ជនបរទេសរងការបង្ខាំងក្នុងអគារទាំងនោះ មានចំនួនរាប់ពាន់នាក់ ហើយត្រូវបានថៅកែចិន និងសន្តិសុខខ្មែរយាមកាមយ៉ាងតឹងរ៉ឹង ដើម្បីកុំឱ្យពួកគេនាំគ្នាសម្រុកចេញពីអគារ។