ប្រមុខការទូតកម្ពុជា និងថៃ បានលើកយកជម្លោះព្រំដែន មកនិយាយនៅក្នុងកិច្ចប្រជុំក្រុមប្រឹក្សាសិទ្ធិមនុស្ស របស់អង្គការសហប្រជាជាតិ។ ភាគីកម្ពុជា បានលើកឡើងពីសកម្មភាពឈ្លានពានរបស់យោធាថៃ ចូលក្នុងទឹកដីកម្ពុជា និងរារាំងមិនឱ្យពលរដ្ឋខ្មែរ អាចត្រឡប់ទៅកាន់ផ្ទះសម្បែងវិញបាន។ ចំណែកភាគីថៃ បានចោទកម្ពុជា ថាប្រឌិតរឿង ដើម្បីបង្ខូចកេរ្តិ៍ឈ្មោះប្រទេសថៃ ជុំវិញរឿងវិវាទព្រំដែន។ ក្រៅពីនេះ តំណាងភាគីប្រទេសទាំងពីរ ក៏បានលើកយកករណីឧក្រិដ្ឋកម្មឆបោកតាមប្រព័ន្ធអ៊ីនធឺណិត មកនិយាយផងដែរ។
