ខ្មែរក្រោមជំរុញឱ្យកម្ពុជានិងវៀតណាម ពង្រឹងការការពារសិទ្ធិស្ត្រីខ្មែរក្រោម

អង្គការសង្គមស៊ីវិលខ្មែរកម្ពុជាក្រោម ចំនួន ០៩ ស្ថាប័ន បានអំពាវនាវទៅរដ្ឋាភិបាលកម្ពុជា និងវៀតណាម ឱ្យយកចិត្តទុកដាក់លើកកម្ពស់សិទ្ធិរបស់ស្ត្រីខ្មែរក្រោម ឱ្យបានពេញលេញ។ ការអំពាវនាវនេះ ធ្វើឡើងក្នុងពេលប្រារព្ធទិវានារីអន្តរជាតិ០៨ មីនា នៅទីស្នាក់ការសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ ស្ថិតនៅភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ និងមានអ្នកចូលរួមប្រមាណ ៧០នាក់។