រដ្ឋាភិបាលវៀតណាមចាប់ឃុំខ្លួនស្រ្តីខ្មែរក្រោមអាយុ៧២ឆ្នាំដោយសារការតស៊ូមតិទាមទារសិទ្ធិជនជាតិ

សហព័ន្ធខ្មែរកម្ពុជាក្រោម ថ្កោលទោសអាជ្ញាធរវៀតណាម ដែលបានចាប់ឃុំខ្លួនស្ត្រីខ្មែរក្រោមអាយុ ៧២ឆ្នាំ គឺលោកស្រី ចៅ ធីទៀង ដាក់ពន្ធនាគារនៅក្រុងព្រែកឫស្សី ដោយគ្មានដីការបស់តុលាការ។ ក្នុងពេលចាប់ខ្លួន កាលពីថ្ងៃទី១៩ មិថុនា អាជ្ញាធរមិនបានបង្ហាញមូលហេតុ ឬបទចោទណាមួយឡើយ ប៉ុន្តែកន្លងទៅ លោកស្រី ចៅ ធីទៀង គឺជាពលរដ្ឋខ្មែរក្រោម ដែលតែងចូលរួមយ៉ាងសកម្មក្នុងការតស៊ូមតិទាមទារសិទ្ធិជនជាតិដើមនៅកម្ពុជាក្រោម។