ពលរដ្ឋខ្មែរ-អាមេរិកាំងធ្វើបាតុកម្ម ទាមទារស្ដារប្រជាធិបតេយ្យ និងបញ្ចប់ឧក្រិដ្ឋកម្មអនឡាញ

ពលរដ្ឋខ្មែរបានជួបជុំធ្វើបាតុកម្មអហិង្សា នៅរដ្ឋធានីវ៉ាស៊ីនតោនឌីស៊ី (Washington, D.C.) សហរដ្ឋអាមេរិក កាលពីថ្ងៃទី៧ ខែសីហា ដោយអំពាវនាវឱ្យសហគមន៍អន្តរជាតិជួយស្ដារលទ្ធិប្រជាធិបតេយ្យនៅកម្ពុជា និងការពារអធិបតេយ្យជាតិ។ ក្រុមអ្នកតវ៉ាក៏ទាមទារឱ្យបញ្ចប់បណ្ដាញឆបោកតាមអនឡាញនៅកម្ពុជា និងស្នើឱ្យ FBI ពន្លឿនការស៊ើបអង្កេត និងចាត់វិធានការលើមេខ្លោង​ ដែលពាក់ព័ន្ធនឹងឧក្រិដ្ឋកម្មអនឡាញនៅកម្ពុជា។