ពលរដ្ឋរងគ្រោះដីធ្លីនៅខេត្តកោះកុង ខកចិត្តចំពោះការដោះស្រាយរបស់ក្រសួងរៀបចំដែនដី ដោយអះអាងថា ក្រសួងមិនទាន់ពន្លឿនផ្តល់ដីសម្បទានសង្គមកិច្ចតាមសំណើរបស់ពួកគាត់នៅឡើយ។ ការលើកឡើងនេះ ធ្វើឡើងបន្ទាប់ពីពលរដ្ឋមកពីសហគមន៍រងគ្រោះដីធ្លីជាច្រើនក្រុម ដែលមានជម្លោះដីធ្លីជាមួយឧកញ៉ា លី យ៉ុងផាត់ និងឧកញ៉ា ហេង ហ៊ុយ បានធ្វើដំណើរមកក្រសួងដែនដី នៅរាជធានីភ្នំពេញ កាលពីថ្ងៃទី១១ ខែកញ្ញា ដើម្បីស្នើឱ្យក្រសួង ផ្តល់ដីសម្បទានសង្គមកិច្ច ដល់ពួកគាត់សម្រាប់អាស្រ័យផល និងប្រកបរបរចិញ្ចឹមជីវិត៕
