ទាហានមួយចំនួន ដែលកំពុងឈរជើងនៅព្រំដែនខេត្តបន្ទាយមានជ័យ បានអះអាងថា ពួកគាត់ត្រូវមន្ត្រីរបស់គណបក្សប្រជាជនកម្ពុជា លោក ប៉ាន់ខែម ប៊ុនថន អូសទាញឱ្យចូលបម្រើទ័ពស្ម័គ្រចិត្ត នៅមុនពេលផ្ទុះសង្គ្រាមតាមព្រំដែន ដោយការសន្យាផ្ដល់ក្របខ័ណ្ឌជាទាហានពេញសិទ្ធិ ក្រោយឈរជើងបាន ៣ខែ។ ក៏ប៉ុន្តែ ពួកគាត់ថា ក្រោយឆ្លងកាត់សមរភូមិប្រយុទ្ធជាង ២០ថ្ងៃ និងហួសកាលកំណត់ហើយនេះ ពួកគាត់ត្រូវគេទុកចោលយ៉ាងកម្សត់ នៅតំបន់ព្រំដែន និងមិនបានផ្ដល់ក្របខ័ណ្ឌពេញសិទ្ធិតាមការសន្យានោះឡើយ។
