ទាហានខ្មែរអះអាងថា ទាហានថៃបានលួចបោកគ្រាប់បែកដៃមកលើទាហានខ្មែរនៅព្រំដែនខេត្តឧត្តរមានជ័យ

ទាហានខ្មែរដែលកំពុងឈរជើងនៅតំបន់ព្រំដែនអះអាងថា ទាហានខ្មែរចំនួន៤នាក់បានរងរបួសធ្ងន់ដោយសារគ្រាប់បែកដៃ ដែលភាគីម្ខាងទៀតបានលួចគប់ចូលក្នុងទីតាំងរបស់ទាហានខ្មែរ គឺមិនមែនជាករណីដើរជាន់មីនដោយខ្លួនឯងដូចភាគីថៃបានលើកឡើងនោះឡើយ។ ការអះអាងរបស់ទាហានខ្មែរនេះ គឺជាការឆ្លើយតបទៅនឹងការលើកឡើងរបស់យោធាថៃ ដែលបានបដិសេធថា ទាហានថៃមិនបានគប់គ្រាប់បែកដៃវាយវាយប្រហារមកលើក្រុមទាហានខ្មែរនោះឡើយ និងចោទថាគឺបណ្ដាលមកពីទាហានខ្មែរដើរជាន់មីនដោយខ្លួនឯង។