មេធាវីរបស់លោក ថាច់ សេដ្ឋា គឺលោកបណ្ឌិត សឺន ជុំជួន អះអាងថា តុលាការបានសម្រេចបដិសេធមិនដោះលែងកូនក្ដីរបស់លោកឲ្យមានសេរីភាពវិញនោះទេ ដោយតុលាការសំអាងថា ពាក្យសុំដោះលែងទណ្ឌិតឱ្យមានសេរីភាពរបស់លោក មិនមានលក្ខខណ្ឌគ្រប់គ្រាន់ ដើម្បីយកមកពិនិត្យ និងសម្រេចបានឡើយ។ ចំណែកអ្នកឃ្លាំមើលសង្គមអះអាងថា ការបន្តឃុំខ្លួនលោក ថាច់ សេដ្ឋា គឺបញ្ជាក់ឲ្យឃើញយ៉ាងច្បាស់ថា បក្សកាន់អំណាចប្រើប្រាស់ប្រព័ន្ធតុលាការ ធ្វើជាឧបករណ៍នយោបាយដើម្បីគាបសង្កត់ និងបំបាក់ស្មារតី សំឡេងប្រឆាំង។
