យោធាថៃដណ្ដើមកាន់កាប់ភ្នំ៣២៣ ដោយស្ងាត់ៗ នៅតំបន់ព្រំដែនស្រុកភ្នំព្រឹក ខេត្តបាត់ដំបង

យោធាថៃបានបង្ហូតទង់ជាតិនៅលើកំពូលភ្នំ៣២៣ ដែលស្ថិតនៅព្រំដែនស្រុកភ្នំព្រឹក ខេត្តបាត់ដំបង។ យោធាថៃបានប្រកាសយកភ្នំ៣២៣នេះ ដាក់បញ្ចូលក្នុងទឹកដីថៃ និងគ្រោងបង្កើតជាតំបន់យុទ្ធសាស្ត្រ សម្រាប់ប្រឆាំងនឹងទាហានខ្មែរនាពេលអនាគត។ ទាហានខ្មែរអះអាងថា យោធាថៃបានចូលកាន់កាប់ភ្នំ៣២៣នេះ តាំងពីអំឡុងផ្ទុះសង្គ្រាមតាមព្រំដែនកាលពីចុងឆ្នាំ២០២៥ មកម្ល៉េះ ដោយទាហានថៃបានផ្លោងគ្រាប់កាំភ្លើងធំមិនដល់១០គ្រាប់នោះឡើយ។