យោធាថៃបានបន្តសកម្មភាពសាងសង់សំណង់ និងសកម្មភាពផ្សេងៗនៅក្នុងតំបន់ ដែលយោធាថៃឈ្លានពានដណ្ដើមបានពីកម្ពុជា និងនៅក្នុងតំបន់ដែលភាគីទាំងពីរមិនទាន់ឯកភាពគ្នាកំណត់បង្គោលព្រំដែន ទោះបីជាភាគីកម្ពុជាបានដាក់លិខិតតវ៉ាជាច្រើនលើកក៏ដោយ។ ផ្ទុយពីការតវ៉ារបស់ភាគីកម្ពុជា ភាគីថៃបានអះអាងដូចមុនថា សកម្មភាពរបស់យោធាថៃគឺធ្វើឡើងនៅក្នុងទឹកដីថៃ។ អ្នកឃ្លាំមើលចាត់ទុកការតវ៉ារបស់កម្ពុជា និងថៃនេះថាជាអាយ៉ៃឆ្លើយឆ្លងគ្នា ដើម្បីទិញពេល និងលួងចិត្តពលរដ្ឋ។
