ថ្ងៃទី ១០ កក្កដា សប្ដាហ៍ក្រោយនេះ គឺជាខួបគម្រប់ ១០ ឆ្នាំគត់នៃអំពើឃាតកម្មលើបណ្ឌិត កែម ឡី អ្នកស្រាវជ្រាវខាងការអភិវឌ្ឍសង្គម និងជាអ្នកវិភាគនយោបាយដ៏មានប្រជាប្រិយភាព។
ក្នុងឱកាសបុណ្យខួបគម្រប់ ១០ ឆ្នាំនេះ ពលរដ្ឋ និងក្រុមយុវជនដែលគោរពស្រឡាញ់វីរភាពរបស់លោក នឹងរៀបចំកម្មវិធីរំលឹកខួបផ្សេងៗគ្នា។ ក្នុងនោះ ចលនាមាតាធម្មជាតិបានផ្ដួចផ្ដើមគំនិតបង្កើតកម្មវិធីមួយហៅថា «ឈាមនៃការពិត» ដើម្បីរំឭកខួប ១០ ឆ្នាំនៃឃាតកម្មលើបណ្ឌិត កែម ឡី ហើយទាមទារសិទ្ធិសេរីភាពជូនយុវជនចលនាមាតាធម្មជាតិ ៥ នាក់ដែលកំពុងជាប់ឃុំ និងអ្នកទោសមនសិការដទៃទៀត។ បណ្ដាញយុវជនកម្ពុជាសាកល (CGYN) ក៏នឹងមានការប្រារព្ធកម្មវិធី «ឈាមនៃការពិត» នេះដូចគ្នា នៅតាមប្រទេសមួយចំនួន។
តើអ្វីទៅជាអត្ថន័យនៃពាក្យថា «ឈាមនៃការពិត»? តើកម្មវិធីនេះនឹងប្រព្រឹត្តទៅយ៉ាងដូចម្ដេច?
