សេចក្ដីប្រកាសតូរ៉ង់តូ គឺជាលទ្ធផលនៃកិច្ចពិភាក្សានៅក្នុងវេទិកាសាធារណៈ ដែលត្រូវបានរៀបចំឡើងជាបន្តបន្ទាប់ជាមួយសហគមន៍ខ្មែរនៅកាណាដា ដើម្បីប្រមូលមតិ និងសំណើសម្រាប់ដោះស្រាយបញ្ហាជាតិដោយសន្តិវិធី។ ខ្លឹមសារនៃសេចក្ដីប្រកាសនេះ គឺអំពាវនាវឱ្យមានការផ្សះផ្សារជាតិពិតប្រាកដ ការដោះលែងអ្នកទោសនយោបាយ ការបោះឆ្នោតដោយសេរី សិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេស ការលើកស្ទួយយុត្តធម៌សង្គម និងចំណុចមួយចំនួនទៀត។
