សាច់ញាតិបានទៅទទួលលោក សាន អឿន ដែលត្រូវបានដោះលែងពីពន្ធនាគារ ក្រោយអនុវត្តទោសចប់រឿង CLV។ ក្រុមគ្រួសារបានទៅទទួលលោក សាន អឿន ចេញពីពន្ធនាគារនៅម៉ោង១២យប់ ក្រោយពីមន្ត្រីពន្ធនាគារផ្ដល់ដំណឹងពីការដោះលែងនៅម៉ោង០៨យប់ កាលពីថ្ងៃទី០៨ ខែសីហា។ កាលពីថ្ងៃទី០៧សីហា ក្រុមគ្រួសារនិងមិត្តភក្ដិ បាននាំគ្នាឡើងពីខេត្តកំពង់ចាម ដើម្បីមកស្វាគមន៍លោក សាន អឿន ដែលដល់ពេលកំណត់ ត្រូវចេញពីពន្ធនាគារនៅភ្នំពេញ ប៉ុន្តែមន្ត្រីពន្ធនាគារមិនបានដោះលែងឡើយ ដោយធ្វើឲ្យគ្រួសាររបស់លោក ដេកចាំនៅមុខពន្ធនាគារអស់មួយយប់។ ស្អែកឡើង ទើបមន្ត្រីផ្ដល់ដំណឹងពីការដោះលែង ដើម្បីឲ្យគ្រួសារឡើងមកទទួលជាលើកទី២ ក្រោយពីពួកគេឈប់រង់ចាំ និងបានធ្វើដំណើរត្រឡប់ទៅដល់ស្រុកវិញ៕
