ពលរដ្ឋរស់នៅជិតព្រលានយន្តហោះក្នុងខេត្តកណ្ដាល ដាក់ញត្តិស្នើសុំប្លង់កម្មសិទ្ធិដីធ្លី

ពលរដ្ឋប្រហែល២០នាក់ មកពីឃុំស្អាងភ្នំ ស្រុកស្អាង ខេត្តកណ្តាល បាននាំគ្នាទៅដាក់ញត្តិនៅក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី០៥វិច្ឆិកា ដើម្បីស្នើសុំឲ្យក្រសួង ចាត់មន្ត្រីចុះវាស់វែងដីធ្លី និងផ្ដល់ប័ណ្ណកម្មសិទ្ធិដីធ្លី ជូនពួកគាត់។ ពលរដ្ឋទាំងនេះ បានលើកឡើងថា ការនាំគ្នាស្វែងរកកិច្ចអន្តរាគមន៍ពីក្រសួងដែនដីនេះ ពីព្រោះពួកគាត់កំពុងព្រួយបារម្ភពីការបណ្ដេញចេញទាំងបង្ខំ ដោយសារតែការអភិវឌ្ឍរបស់ព្រលានយន្តហោះ និងហេរដ្ឋារចនាសម្ព័ន្ធ នៅជិតព្រលានយន្តហោះ៕