មន្ត្រីយោធាថា ទាហានជាច្រើននាក់បានស្លាប់ដោយគ្មានបញ្ជាក់មូលហេតុត្រឹមត្រូវ ក្រោយផ្អាកសង្គ្រាមតាមព្រំដែន

ទាហានខ្មែរដែលកំពុងឈរជើងនៅជួរមុខតាមព្រំដែនថៃ បានអះអាងថា ក្រោយផ្អាកសង្គ្រាមអស់រយៈពេលជិតមួយឆ្នាំមកនេះ មានទាហានខ្មែរជាច្រើននាក់ បានស្លាប់ជាបន្តបន្ទាប់ ដោយសារជម្ងឺ គ្រោះថ្នាក់ចរាចរណ៍ និងឧបទ្ទវហេតុក្នុងពេលបំពេញបេសកកម្មជាដើម។ ក្នុងនោះទាហានមួយចំនួនខ្មែរ បានបញ្ជាក់ថា ករណីស្លាប់របស់យោធិនខ្លះ មានជាប់ពាក់ព័ន្ធនឹងអំពើឧក្រិដ្ឋកម្ម ដោយមិនមែនជាឧបទ្ទវហេតុ ឬគ្រោះថ្នាក់ក្នុងការងារនោះឡើយ ក៏ប៉ុន្តែករណីនេះត្រូវបានថ្នាក់លើបញ្ជាឱ្យបិទសំណុំរឿង និងធ្វើកំណត់ហេតុដោយបំភ្លៃការពិត។