យោធាថៃពង្រីកកម្លាំងទ័ពនៅតំបន់ព្រំដែន ក្រោយកម្ពុជាចោទរឿងគប់គ្រាប់បែកដៃមកលើទាហានខ្មែរ

យោធាថៃបានចល័តទ័ព និងសព្វាវុធបន្ថែមមកកាន់តំបន់ព្រំដែនប្រាសាទតាក្របី បន្ទាប់ពីមានហេតុការណ៍កងកម្លាំងរបស់កម្ពុជាបានទទួលរងការវាយប្រហារដោយគ្រាប់បែកដៃ ដែលភាគីកម្ពុជាបានអះអាងថា គឺជាការលួចវាយប្រហាររបស់ទាហានថៃ។ ក្រោយការអះអាងរបស់កម្ពុជានេះ យោធាថៃបានចេញមកបដិសេធ និងប្រតិកម្មទៅវិញ ដោយព្រមានពីការប្រឈមមុខដាក់គ្នាសាជាថ្មី និងបានចោទត្រឡប់មកភាគីកម្ពុជាវិញថា បានប្រឌិតករណីនេះដើម្បីយកលេសចល័តទ័ពមកកាន់តំបន់ព្រំដែន។