ក្រុមយុវជន និងព្រះសង្ឃ នៅថ្ងៃទី១៣ វិច្ឆិកានេះ បាននាំគ្នាទៅដាក់ញត្តិនៅស្ថានទូតបារាំងប្រចាំកម្ពុជា ដើម្បីស្នើទៅប្រធានាធិបតីបារាំងលោក អេម៉ានុយអែល ម៉ាក្រុង (Emmanuel Macron) ឲ្យជួយដាក់សម្ពាធទៅរដ្ឋាភិបាលថៃ បញ្ឈប់ការឈ្លានពាន និងគ្រប់គ្រងដីខ្មែរតាមព្រំដែន។ ពួកគេចង់ឲ្យមេដឹកនាំបារាំង ជំរុញថៃងាកមកដោះស្រាយបញ្ហាព្រំដែន ដោយច្បាប់អន្តរជាតិ រួមទាំងកិច្ចព្រមព្រៀងសន្ដិភាពទីក្រុងប៉ារីស ដែលថៃក៏ជាប្រទេសម្ចាស់ហត្ថលេខី និងសិទ្ធិសញ្ញាបារាំង-សៀមឆ្នាំ១៩០៤ និងឆ្នាំ១៩០៧ ស្ដីពីការកំណត់ព្រំដែនរវាងប្រទេសទាំងពីរ។
ការដាក់ញត្តិរបស់ក្រុមយុវជន និងព្រះសង្ឃនេះ បានធ្វើឡើងស្របពេលប្រធានាធិបតីបារាំង នឹងមកចូលរួមកិច្ចប្រជុំកំពូល ហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ចាប់ពីថ្ងៃទី១៥ ដល់ថ្ងៃទី១៦ ខែវិច្ឆិកានេះ។
ទស្សនាវីដេអូលម្អិត
