អ្នកឃ្លាំមើលថា ការប្រកាសរបស់លោក ហ៊ុន ម៉ាណែត ថា ក្រុមហ៊ុនអាមេរិកចង់រកស៊ីនៅកម្ពុជា គឺជានយោបាយប្រជាភិថុតិ
អ្នកឃ្លាំមើលលើកឡើងថា ក្រុមហ៊ុនធំៗរបស់សហរដ្ឋអាមេរិក នឹងមិនអាចបោះលុយវិនិយោគនៅកម្ពុជាឡើយ ប្រសិនបើរដ្ឋាភិបាលកម្ពុជា មិនស្ដារប្រជាធិបតេយ្យ និងលុបបំបាត់ឧក្រិដ្ឋកម្មឆបោកអនឡាញ (Online) ទេនោះ។ ការលើកឡើង នេះ គឺបន្ទាប់ពីលោក ហ៊ុន ម៉ាណែត អះអាងថា ក្រុមហ៊ុនធំៗរបស់អាមេរិក ស្វែងរកឱកាសវិនិយោគនៅកម្ពុជា។
ក្រុមហ៊ុន ហួយវ័ន ផេ របស់លោក ហ៊ុន តូ ប្រកាសផ្អាកសេវាកម្មមួយរយៈ ក្រោយអតិថិជនសម្រុកដកលុយ
ក្រុមហ៊ុន ហួយវ័ន ផេ (Huione Pay) ដែលជាកម្មសិទ្ធិរបស់លោក ហ៊ុន តូ ដែលត្រូវជាក្មួយរបស់ប្រធានព្រឹទ្ធសភាលោក ហ៊ុន សែន និងជាបងប្រុសជីដូនមួយរបស់លោកនាយករដ្ឋមន្ត្រី ហ៊ុន ម៉ាណែត បានប្រកាសបិទសេវាកម្មបណ្ដោះអាសន្ន រយៈពេលជាង ២ខែ ក្រោយពីអតិថិជនសម្រុកដកលុយចេញពីក្រុមហ៊ុន។
ពលករខ្មែរដែលត្រឡប់ពីប្រទេសថៃភាគីច្រើន ពិបាករកការងារធ្វើ
ពលករខ្មែរដែលត្រឡប់ពីប្រទេសថៃត្អូញត្អែរថា ពួកគាត់មានជីវភាពលំបាក ព្រោះធ្វើការជួបតែថៅកែបោកប្រាស់ ហើយពលករខ្លះទៀត ពិបាករកការងារធ្វើ ខណៈដែលការងារខ្លះឱ្យថ្លៃឈ្នួលថោកពេក មិនអាចទ្រាំធ្វើបាន។ អ្នកការពារសិទ្ធិកម្មករថា បញ្ហាដែលពលករខ្មែរ មកពីថៃ ពិបាករកការងារធ្វើ ព្រោះតែ តម្លៃឈ្នួលថោកពេក និងបញ្ហាថៅកែខ្លះ រំលោភសិទ្ធិការងារ។
វេទិកាអាស៊ីបូព៌ាថា ការវិនិយោគពីបរទេសនៅកម្ពុជាមានតែបរិមាណ ប៉ុន្តែគ្មានគុណភាព
អ្នកឃ្លាំមើលយល់ស្របចំពោះរបាយកាណ៍នេះ និងស្នើឱ្យរដ្ឋាភិបាលលុបបំបាត់អំពើពុករលួយ និងបោសសម្អាតឧក្រិដ្ឋកម្មឆបោកតាមអនឡាញ ដែលកំពុងបំផ្លាញមុខមាត់កម្ពុជា។
អតិថិជនខ្ចីលុយពីធនាគារព្រីនស៍រងការគំរាមកំហែងបង្ខំឱ្យលក់ទ្រព្យសម្បត្តិដើម្បីសងបំណុល
អតិថិជនខ្ចីលុយពីធនាគារព្រីនស៍ (Prince Bank) រងការគំរាមកំហែង បង្ខំឱ្យលក់ទ្រព្យសម្បត្តិ ដើម្បីសងបំណុល បើទោះជាពួកគាត់បានសុំអង្វរសងតាមលទ្ធភាពក្ដី ក៏ខាងភាគីធនាគារ ពុំព្រមនោះឡើយ ហើយថែមទាំងគំរាមប្ដឹងទៅតុលាការ ប្រសិនបើពួកគាត់ពុំអាចសងបំណុល តាមចំនួនកំណត់។
ពលករចំណាកស្រុកវិលត្រឡប់មកកម្ពុជាវិញ ប្រឈមនឹងភាពអត់ឃ្លាន និងគ្មានការងារធ្វើ
អង្គការឃ្លាំមើលសិទ្ធិមនុស្សអន្តរជាតិ (Human Rights Watch) បាន ចេញរបាយការណ៍មួយ ដោយបានបង្ហាញអំពីចន្លោះប្រហោងរបស់រដ្ឋាភិបាលកម្ពុជា ក្នុងការជួយសម្រួលដល់ពលករចំណាកស្រុករាប់សិបម៉ឺននាក់ ដែលកំពុងជាប់បំណុលមីក្រូហិរញ្ញវត្ថុ បន្ទាប់ពីពួកគេត្រឡប់ពីប្រទេសថៃវិញ ដោយសារជម្លោះព្រំដែន។
កសិករដាំដំឡូងមីនៅខេត្តឧត្តរមានជ័យ ព្រួយបារម្ភពីទីផ្សារចុះថ្លៃ នៅរដូវប្រមូលផលឆ្នាំនេះ ខណៈព្រំដែនកម្ពុជា-ថៃបានបិទទាំងស្រុង
កសិករដាំដំឡូងមី ជាច្រើនគ្រួសារ នៅស្រុកអន្លងវែង ខេត្តឧត្តរមានជ័យ ព្រួយបារម្ភពីទីផ្សារដំឡូងមីចុះថ្លៃ ដូចទៅនឹងតម្លៃស្រូវនៅឆ្នាំនេះ ខណៈដែលជម្លោះព្រំដែនកម្ពុជា-ថៃ នៅតែបន្តតានតឹង មិនអាចនាំចេញទៅលក់ នៅប្រទេសថៃ បានដូចមុន។ អ្នកឃ្លាំមើលថា ពេលនេះកសិករមានជម្រើសតែមួយគត់ គឺលក់ឱ្យទៅឈ្មួញវៀតណាម ដែលជាហេតុធ្វើឱ្យពួកព្រួយបារម្ភព្រោះ ឈ្មួញទាំងនោះ តែងទម្លាក់តម្លៃ តាមតែអំពើចិត្ត ដូចនឹងតម្លៃស្រូវដែរ។
ស្រូវរបស់កសិករក្នុងខេត្តសៀមរាបជិត១ម៉ឺនហិកតារប្រឈមការខូចខាតដោយជំនន់ទឹកភ្លៀង
ដំណាំស្រូវជិតមួយម៉ឺន (១០.០០០) ហិកតារនិងដំណាំដំឡូងមីជាច្រើនហិកតារផ្សេងទៀតរបស់ប្រជាកសិករនៅក្នុងខេត្តសៀមរាប កំពុងរងការខូចខាតដោយជំនន់ទឹកភ្លៀង។ កសិករដែលរងគ្រោះមានចំនួនជាង ៧ពាន់គ្រួសារនៅក្នុងស្រុកចំនួន៦ នៃខេត្តសៀមរាប។ នេះបើតាមមន្ទីរព័ត៌មានខេត្តសៀមរាបដែលបាន ចេញផ្សាយរបាយការណ៍របស់មន្ទីរកសិកម្ម ខេត្តសៀមរាប កាលពីថ្ងៃទី១៩ ខែវិច្ឆិកា។
រដ្ឋាភិបាលគ្រោងខ្ចីប្រាក់ជាង ៣ពាន់លានដុល្លារសម្រាប់ការចំណាយនៅឆ្នាំ២០២៦
រដ្ឋាភិបាលកម្ពុជាគ្រោងចំណាយថវិការដ្ឋ ជាង ១០ពាន់លានដុល្លារសម្រាប់ការចំណាយនៅក្នុងឆ្នាំ២០២៦ ដែលទំហំចំណាយនេះ ក៏ផ្ដោតសំខាន់ដែរទៅលើកិច្ចការការពារអធិបតេយ្យ និងបូរណភាពទឹកដី។ ចំនួនថវិកាជាតិសម្រាប់ឆ្នាំក្រោយនេះបានកើន ៧,៦% បើធៀបនឹងឆ្នាំ២០២៥ ដែលមានទឹកប្រាក់ ៩ពាន់៤រយលានដុល្លារ។ ស្របពេលមានការបង្កើនខ្ទង់ចំណាយនេះរដ្ឋាភិបាលគ្រោងនឹងខ្ចីប្រាក់ចំនួន ៣.១ពាន់លានដុល្លារសហរដ្ឋអាមេរិកបន្ថែមទៀត ពីដៃគូអភិវឌ្ឍន៍ដើម្បីយកមកបង្គ្រប់។រដ្ឋាភិបាលស្នងអំណាចពីឪពុក លោក ហ៊ុន ម៉ាណែត គ្រោងចំណាយថវិការដ្ឋឆ្នាំ២០២៦ សរុបជាង៤ម៉ឺន (៤០.៩១៣) ប៊ីលានរៀល (ប្រមាណ ១០ពាន់លានដុល្លារ) ដែលថវិការមួយភាគធំ...
កម្ពុជា និងថៃប្រារព្ធពិធីបុណ្យចូលឆ្នាំថ្មីនៅតំបន់ព្រំដែនក្នុងទម្រង់ផ្សេងគ្នា
កម្ពុជា និងថៃបានប្រារព្ធពិធីបុណ្យចូលឆ្នាំថ្មី នៅតំបន់ព្រំដែនក្នុងទម្រង់ម្យ៉ាងម្នាក់។ នៅខាងប្រទេសថៃ ក្រុមយោធាបានបញ្ចុះបញ្ចូលឱ្យក្រុមប្រជាពលរដ្ឋបាននាំគ្នាមកលេងកម្សាន្តនៅតំបន់ព្រំដែន ក្នុងទីតាំងដែលយោធាថៃបានឈ្លានពានដណ្ដើមកាន់កាប់ពីកម្ពុជា។
