អ្នកតាមដានព្រំដែនថា ខ្មែរបាត់ដីជាង២គីឡូម៉ែត្រ ពីការបោះបង្គោលព្រំដែនរវាង កម្ពុជា-ថៃ នៅភូមិព្រៃចាន់ និងជោគជ័យ
រដ្ឋលេខាធិការដ្ឋានកិច្ចការព្រំដែនអះអាងថា ការងារវាស់វែង និងបោះបង្គោលបណ្ដោះអាសន្ននៅចន្លោះបង្គោលព្រំដែនលេខ ៤២-៤៧ ស្ថិតនៅភូមិព្រៃចាន់ និងភូមិជោគជ័យ ក្រុមការងារបច្ចេកទេសភាគីកម្ពុជានិងថៃ កំពុងចុះវាស់វែងនិងបង្កើតផែនទីរូបភាព ដោយឈរលើមូលដ្ឋាននៃឯកសារគតិយុត្តិដែលបន្សល់ទុកពីអាណាព្យាបាលបារាំង ខណៈក្រុមអ្នកតាមដានស្ថានការណ៍ព្រំដែនអះអាងថា ការបោះបង្គោលព្រំដែននេះធ្វើឲ្យខ្មែរបាត់ទឹកដីជាច្រើន។
ក្រសួងការបរទេសកម្ពុជាច្រានចោលព័ត៌មានថា វៀតណាមធ្វើផ្លូវឆ្លងសមុទ្រទៅកោះត្រល់
អស់រយៈពេលប៉ុន្មានថ្ងៃនេះ មានរូបភាពមួយចំនួនក្នុងបណ្ដាញសង្គម បង្ហាញអំពីសំណង់ផ្លូវឆ្លងសមុទ្ររបស់វៀតណាម។ រូបភាពនោះហាក់បង្ហាញថាផ្លូវឆ្លងសមុទ្រនោះ តភ្ជាប់ខេត្តពាម ឬហាទៀង (Ha Tien) ខេត្តអានយ៉ាង (An Giang) នៃប្រទេសវៀតណាមទៅកាន់កោះត្រល់។
ពលរដ្ឋភូមិព្រៃចាន់ និងជោគជ័យ បារម្ភបាត់បង់ផ្ទះស្រែចម្ការ បន្ទាប់ពីអាជ្ញាធរកម្ពុជា និងថៃចាប់ផ្ដើមបោះបង្គោលព្រំដែនបណ្ដោះអាសន្ន
ពលរដ្ឋរងគ្រោះដោយទាហានថៃរាយបន្លាលួសព័ទ្ធយកដីស្រែចម្ការ និងផ្ទះសម្បែង នៅភូមិព្រៃចាន់ និងភូមិជោគជ័យ ព្រួយខ្លាចបាត់បង់ផ្ទះសម្បែង និងដីស្រែចម្ការ ដែលពួកគាត់ធ្លាប់រស់នៅ និងអាស្រ័យផល បន្ទាប់ពីអាជ្ញាធរកម្ពុជា និងថៃ ព្រមព្រៀងគ្នាចុះបោះបង្គោលព្រំដែនបណ្ដោះអាសន្ន ស្ថិតនៅភូមិសាស្ត្រខេត្តបន្ទាយមានជ័យ។ អាជ្ញាធរថា ការចុះបោះបង្គោលព្រំដែនបណ្ដោះអាសន្ននៅភូមិព្រៃចាន់ និងជោគជ័យ ធ្វើឡើងតាមកិច្ចព្រមព្រៀង នៃកិច្ចប្រជុំពិសេស របស់គណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ។
អ្នកឃ្លាំមើលជំរុញឲ្យរដ្ឋាភិបាលស្ដារប្រជាធិបតេយ្យដើម្បីបង្កើនទំនាក់ទំនងល្អជាមួយក្រុមប្រទេសសេរី ខណៈមានជម្លោះព្រំដែន
អ្នកឃ្លាំមើលជំរុញឲ្យរដ្ឋាភិបាលលោក ហ៊ុន ម៉ាណែត ស្ដារប្រជាធិបតេយ្យ និងការគោរពសិទ្ធិមនុស្សឡើងវិញ ដើម្បីបង្កើនទំនាក់ទំនងល្អជាមួយក្រុមប្រទេស ប្រជាធិបតេយ្យធំៗ ខណៈប្រទេសកម្ពុជាកំពុងមានជម្លោះព្រំដែនជាមួយប្រទេសថៃ។ ប៉ុន្តែអ្នកនាំពាក្យគណបក្សកាន់អំណាច អះអាងថា ប្រទេសកម្ពុជាកំពុងអនុវត្តគោលការណ៍ប្រជាធិបតេយ្យរួចហើយ។
គ្រួសារអតីតឈ្លើយសឹកបដិសេធចំពោះការចោទប្រកាន់របស់យោធាថៃ ដែលថា គ្រួសារគាត់វង្វេងស្មារតី ដោយសារផឹកស្រា
គ្រួសាររបស់យោធាខ្មែរដែលថៃបានដោះលែងវិញក្នុងសភាពវង្វេងស្មារតីនោះ បានអះអាងថា គ្រួសារគាត់មិនមែនកើតវិបល្លាស ដោយសារផឹកស្រាដូចការចោទប្រកាន់របស់យោធាថៃ នោះឡើយ។
កម្ពុជា-ថៃចាប់ផ្ដើមបោះបង្គោលព្រំដែនបណ្ដោះអាសន្ន នៅភូមិជោគជ័យ និងព្រៃចាន់ ក្រោមស្ថានភាពចម្រូងចម្រាស
មន្ត្រីកម្ពុជា និងថៃបានចាប់ផ្ដើមបោះបង្គោលព្រំដែនបណ្ដោះអាសន្ន នៅចន្លោះខណ្ឌសីមាលេខ៤២ ដល់៤៧ ក្នុងភូមិសាស្ត្រតំបន់ភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ អ្នកឃ្លាំមើលលើកឡើងថា ការឯកភាពបោះបង្គោលព្រំដែនបណ្ដោះអាសន្ននេះ ហាក់មានភាពតក់ក្រហល់ ដែលអាចធ្វើឱ្យកម្ពុជាខាតបង់ទឹកដីទៅឱ្យប្រទេសថៃ។
រដ្ឋាភិបាលកម្ពុជាឯករាជ្យ២៣តុលាត្រៀមយកសំណុំរឿងជម្លោះព្រំដែនកម្ពុជា-ថៃ ប្ដឹងទៅកាន់តុលាការ ICJ
រដ្ឋាភិបាលកម្ពុជាឯករាជ្យ២៣តុលា ដឹកនាំដោយ លោក សម រង្សី កំពុងរៀបចំសំណុំរឿងជម្លោះព្រំដែនកម្ពុជា-ថៃប្ដឹងទៅកាន់តុលាការយុត្តិធម៌ អន្តរជាតិ ICJ ខណៈរដ្ឋាភិបាលកម្ពុជា ដែលដឹកនាំដោយ លោក ហ៊ុន ម៉ាណែត ពុំបានយកករណីព្រំដែនកម្ពុជា-ថៃទាំងមូលប្ដឹងទៅកាន់ស្ថាប័នអន្តរជាតិនេះនៅឡើយ ដែលធ្វើឱ្យភាគីថៃ ហាក់គឃ្លើនបន្តរំលោភបំពានចូលទឹកដីកម្ពុជា។គម្រោងលើកយកសំណុំរឿងព្រំដែនកម្ពុជា-ថៃប្ដឹងទៅកាន់តុលាការយុត្តិធម៌អន្តរជាតិអាចចាត់ទុកថា ជាបេសកកម្មជាតិដំបូង និងធំបំផុតរបស់រដ្ឋាភិបាលស្រមោលនៅក្រៅប្រទេសមួយនេះចាប់តាំងពីត្រូវបានបង្កើតឡើងកាលពីថ្ងៃទី២៣ តុលា។សេចក្ដីថ្លែងការណ៍របស់រដ្ឋាភិបាលកម្ពុជាឯករាជ្យ២៣ តុលា ចុះថ្ងៃទី១៩ ខែវិច្ឆិកា បានលើកឡើងថា រដ្ឋាភិបាលកម្ពុជាឯករាជ្យ...
ក្រុមអ្នកសង្កេតការណ៍អាស៊ានផ្អាកចុះពិនិត្យស្ថានភាពព្រំដែន ក្រោយភាគីថៃផ្ទុះអាវុធ
ក្រុមអ្នកសង្កេតការណ៍អាស៊ាន (AOT) សម្រេចផ្អាកសកម្មភាពចុះពិនិត្យផ្ទៀងផ្ទាត់ ស្ថានភាពនៅតំបន់ព្រំដែនកម្ពុជា-ថៃក្នុងភូមិសាស្ត្រច្រកច១ ឃុំថ្មដា ស្រុកវាលវែង ខេត្តពោធិ៍សាត់ នៅព្រឹកថ្ងៃទី១៩ ខែវិច្ឆិកា ដោយសារមានករណីផ្ទុះអាវុធពីខាងភាគីថៃ។នេះបើតាមសេចក្តីប្រកាសព័ត៌មានក្រសួងការពារជាតិកម្ពុជា។ ក្រសួងការពារជាតិអះអាងថា ការដកថយ ដោយមិនអាចបន្តចុះទៅពិនិត្យនិងផ្ទៀងផ្ទាត់នូវការអនុវត្តបទឈប់បាញ់នេះ គឺដើម្បីរក្សាសុវត្ថិភាព។នៅថ្ងៃដដែលនេះ ក្រសួងការពារជាតិ ក៏បន្តអំពាវនាវឲ្យប្រទេសថៃ ដោះលែងកងទ័ពកម្ពុជាទាំង១៨នាក់ ឱ្យបានឆាប់រហ័ស និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ ដើម្បីឱ្យពួកគាត់វិលត្រឡប់មកជួបជុំក្រុមគ្រួសារឡើងវិញ។ គិតត្រឹមថ្ងៃទី១៩ វិច្ឆិកា គឺមានរយៈពេល...
អ្នកវិភាគថា វិវាទព្រំដែនកម្ពុជា-ថៃ រីករាលដាលខ្លាំង ដោយសារជម្លោះបុគ្គលរវាងគ្រួសារហ៊ុន និងស៊ីណាវ៉ាត់
អ្នកវិភាគលើកឡើងថា ជម្លោះព្រំដែនរវាងកម្ពុជា និងថៃ ដែលឈានទៅដល់ការប៉ះទង្គិចគ្នាដោយអាវុធ បណ្ដាលឱ្យប្រជាពលរដ្ឋនៃប្រទេសទាំងពីរ បានបាត់បង់ជីវិតអស់ជាច្រើននាក់នោះ គឺមានជាប់ពាក់ព័ន្ធនឹងជម្លោះបុគ្គល នៃគ្រួសារអតីតមេដឹកនាំកម្ពុជាត្រកូលហ៊ុន និងអតីតមេដឹកនាំថៃ នៃត្រកូលស៊ីណាវ៉ាត់។ ពួកគាត់ថា ទំនាស់រវាងគ្រួសារទាំងពីរ បានឈានដល់ការបរិហារកេរ្តិ៍ និងរកវិធីផ្ដួលរំលំគ្នាទៅវិញទៅមក រហូតដល់គ្រួសារស៊ីណាវ៉ាត់ បានងាកមកគាំទ្រយោធាថៃ ក្នុងពេលដែលជម្លោះព្រំដែនប្រទេសទាំងពីរកំពុងឡើងកម្ដៅ។ជម្លោះព្រំដែនកម្ពុជា បានកើតឡើង ដោយផ្ដើមចេញភាពតានតឹងនៅតំបន់ប្រាសាទតាក្របី នៅដើមឆ្នាំ២០២៥ បន្ទាប់ពីក្រុមទាហានថៃ បានរារាំងភ្ញៀវទេសចរខ្មែរ មិនឱ្យចូលច្រៀងចម្រៀងស្នេហាជាតិ នៅមុខប្រាសាទ និងករណីទាហានថៃ បានបាញ់ប្រហារចូលលេណដ្ឋានទ័ពខ្មែរ នៅតំបន់មុំបី...
កម្ពុជាក្លាយទៅជាប្រទេសគ្រប់គ្រងផ្ដាច់មុខរបស់ត្រកូលហ៊ុន ក្រោយពីអវត្តមានគណបក្សសង្រ្គោះជាតិ
រាប់មកទល់នឹងថ្ងៃទី១៧ ខែវិច្ឆិកាឆ្នាំ២០២៥ គឺមានរយៈពេល៨ឆ្នាំហើយ ដែល រដ្ឋាភិបាល ដឹកនាំដោយអតីតនាយករដ្ឋមន្ត្រី ហ៊ុន សែន បានរំលាយគណបក្សសង្រ្គោះជាតិ។
អ្នកចាញ់បោកអតីតឧកញ៉ា ហ៊ី គឹមហុង ទទូចឲ្យតុលាការប្រកាសសាលក្រមឲ្យបានឆាប់
សង្គមស៊ីវិល សង្ឃឹមថា តុលាការនឹងពន្លឿននីតិវិធី ដោយថា ការពន្យារពេលយូរ នឹងធ្វើឲ្យពលរដ្ឋ រងគ្រោះផ្ទួនៗគ្នា។
