រដ្ឋាភិបាលខ្មែរនៅក្រៅប្រទេសស្នើឱ្យពលរដ្ឋទាំងអស់រួមគ្នាប្រឆាំងការឈ្លានពានរបស់យោធាថៃ
រដ្ឋាភិបាលកម្ពុជាឯករាជ្យ ២៣តុលា ដឹកនាំដោយ លោក សម រង្សី បានអំពាវនាវឱ្យប្រជាពលរដ្ឋខ្មែរ ដែលនៅជុំវិញពិភពលោក បង្កើនចលនារួមកម្លាំងគ្នាធ្វើបាតុកម្ម ដើម្បីទាមទារឱ្យប្រទេសថៃ បញ្ឈប់សង្គ្រាមឈ្លានពានមកលើកម្ពុជា និងជំរុញឱ្យមេដឹកនាំកម្ពុជា បង្ហាញពីឆន្ទៈ ក្នុងការបោសសម្អាតឧក្រិដ្ឋកម្មឆបោកតាមអនឡាញ ដែលភាគីថៃយកធ្វើជាលេស ចូលមកឈ្លានពានកម្ពុជា។
ពលរដ្ឋស្នើឱ្យមេដឹកនាំកម្ពុជាបញ្ចេញទ្រព្យសម្បត្តិជួយដល់ជនភៀសសឹក និងបង្រួបបង្រួមជាតិ
ពលរដ្ឋមួយចំនួនដែលកំពុងភៀសសឹក ក្នុងសង្គ្រាមវាយប្រហាររបស់ថៃ ស្នើឱ្យគ្រួសាររបស់មេដឹកនាំកម្ពុជា បញ្ចេញទ្រព្យសម្បត្តិ ដើម្បីជួយដល់ពលរដ្ឋ ដោយសារតែកន្លងមក ពួកគេតែងតែសម្ញែងសម្ភារៈនិយម និងទ្រព្យសម្បត្តិដែលមានតម្លៃថ្លៃ នៅក្នុងកម្មវិធីជួបជុំនានា។
អ្នកឃ្លាំមើលជំរុញឱ្យមន្ត្រីការបរទេសខ្មែរប្រាប់ដល់អន្តរជាតិឱ្យទូលាយពីអំពើព្រៃផ្សៃថៃឈ្លានពានកម្ពុជា
អ្នកឃ្លាំមើលជំរុញឱ្យមន្ត្រីការបរទេស និងឯកអគ្គរាជទូតខ្មែរ ប្រចាំការនៅក្រៅប្រទេស និងនៅក្នុងស្រុក ត្រូវសកម្ម និងក្លាហាន បង្ហាញពីអំពើព្រៃផ្សៃរបស់ថៃ ដែលឈ្លានពានទឹកដី សម្លាប់ ជនស៊ីវិលខ្មែរ និង បំភិតបំភ័យពលរដ្ឋជាង៤០ម៉ឺននាក់ ឱ្យភៀសសឹក ប្រាប់ទៅកាន់អន្តរជាតិ តាមរយៈ បណ្ដាញសារព័ត៌មានធំៗនៅលើពិភពលោក ដូចប្រធានាធិបតី អ៊ុយក្រែនបានធ្វើកន្លងមក។
តុលាការលើកពេលសវនាការលោក កឹម សុខា ខណៈអ្នកវិភាគថា គួរតែដោះលែងគាត់ដើម្បីរួបរួមជាតិ
មេធាវីការពារក្ដីឱ្យប្រធានគណបក្សសង្គ្រោះជាតិដែលកំពុងជាប់ឃុំនៅក្នុងផ្ទះគឺ លោក កឹម សុខា នៅថ្ងៃទី១៧ ខែធ្នូ បានឱ្យដឹងថា សាលាឧទ្ធរណ៍ភ្នំពេញ បានជូនដំណឹងថា សវនាការលើសំណុំរឿងរបស់ លោក កឹម សុខា ដែលនឹងគ្រោងធ្វើនៅថ្ងៃទី១៨ ខែធ្នូ នេះ ត្រូវបានពន្យារពេលដោយគ្មានហេតុផល និងគ្មានកាលកំណត់ច្បាស់លាស់។
ក្រសួងការពារជាតិអះអាងថា កងទ័ពខ្មែរកំពុងឈរជើងនៅតំបន់ប្រាសាទតាក្របី
ក្រសួងការពារជាតិកម្ពុជា នៅព្រឹកថ្ងៃទី១៧ ខែធ្នូ នេះ បានចេញសេចក្តីថ្លែងការណ៍ឱ្យដឹងថា យោធាថៃបានបាញ់ផ្លោងចូលក្នុងភូមិសាស្ត្រប្រាសាទតាក្របី ភ្នំ៣៣៣ ថ្មឆត្រ និងជប់អង្គុញ ឥតដាច់ តាំងពីយប់ រហូតមកដល់ពេលព្រឹក ដោយយោធាថៃ បានប្រើប្រាស់រថក្រោះ កម្លាំងថ្មើរជើង កាំភ្លើងធំ ដ្រូនទម្លាក់គ្រាប់ និងដ្រូនអត្តឃាត វាយសម្រុកទៅលើទីតាំងយោធាខ្មែរ។
យោធាថៃបន្តប្រើប្រាស់យន្តហោះ F-16 ទម្លាក់គ្រាប់បែកលើភូមិព្រៃចាន់នៅព្រឹកថ្ងៃទី១៧ ធ្នូ
ក្រសួងការពារជាតិកម្ពុជាឱ្យដឹងថា យោធាថៃបន្តធ្វើសកម្មភាពវាយប្រហារមកលើកម្ពុជា នៅយោធភូមិភាគទី៥ ក្នុងភូមិសាស្រ្ត ភូមិជោគជ័យ ខេត្តបន្ទាយមានជ័យ នាថ្ងៃទី១៧ ខែធ្នូ ឆ្នាំ២០២៥។
ពលរដ្ឋជំរុញឱ្យរដ្ឋាភិបាលដោះលែងអ្នកទោសមនសិការ និងផ្សះផ្សាជាតិ ដើម្បីប្រមូលកម្លាំងតទល់បរទេសឈ្លានពាន
ខណៈទាហានថៃកាន់តែបង្កើនល្បឿនវាយប្រហារមកលើកម្ពុជា ដោយប្រើយន្ដហោះចំបាំងទម្លាក់គ្រាប់បែក អ្នកឃ្លាំមើល និងពលរដ្ឋជំរុញឱ្យលោក ហ៊ុន សែន និងលោក ហ៊ុន ម៉ាណែត ដោះលែងអ្នកទោសមនសិការ និងផ្សះផ្សាជាតិ ដើម្បីប្រមូលកម្លាំងតទល់ការឈ្លានពានរបស់កងទ័ពថៃ។
កិច្ចប្រជុំរដ្ឋមន្ត្រីការបរទេសអាស៊ានដើម្បីពិនិត្យភស្តុតាងនៃជម្លោះថៃ-កម្ពុជាត្រូវពន្យារពេល
នាយករដ្ឋមន្ត្រីម៉ាឡេស៊ី លោក អានវ៉ា អ៊ីប្រាហ៊ីម (Anwar Ibrahim) បាននិយាយថា នៅកម្រិតថ្នាក់តំបន់ កិច្ចប្រជុំរដ្ឋមន្ត្រីការបរទេសអាស៊ានពិសេសដែលគ្រោងធ្វើឡើងនៅថ្ងៃទី១៦ ខែធ្នូ ដើម្បីពិនិត្យ មើលការរកឃើញលើផ្កាយរណបត្រូវបានពន្យារពេលដល់ថ្ងៃទី២២ ខែធ្នូ។
ថៃមិនខ្វល់នឹងការអំពាវនាវរបស់ចិនឱ្យមានបទឈប់បាញ់ ហើយបន្តវាយប្រហារកម្ពុជា
ប្រទេសថៃបានព្រងើយកន្តើយចំពោះការអំពាវនាវឱ្យមានបទឈប់បាញ់ពីប្រទេសចិន ដោយនៅថ្ងៃទី១៦ ខែធ្នូ នេះ កងទ័ពថៃបន្តបាញ់ផ្លោងមកលើទីតាំងកងទ័ពកម្ពុជា ដែលធ្វើឱ្យសង្គ្រាមឈ្លានពានរបស់ថៃ ឈានចូលដល់ថ្ងៃទី១០។
ក្រសួងការបរទេសកម្ពុជាថ្កោលទោសការឈ្លានពានរបស់យោធាថៃមកលើកម្ពុជា
ក្រសួងការបរទេសកម្ពុជា ជាថ្មីម្តងទៀត ថ្កោលទោសការឈ្លានពានរបស់យោធាថៃមកលើកម្ពុជា ដោយចាត់ទុកការវាយប្រហារតាមផ្លូវអាកាសរបស់ថៃ ជាការរំលោភលើអធិបតេយ្យ និងបូរណភាពទឹកដីខ្មែរ ក៏ដូចជាបំពានធម្មនុញ្ញអង្គការសហប្រជាជាតិ និងមិនគោរពធម្មនុញ្ញអាស៊ាន ព្រមទាំងស្មារតីនៃសហគមន៍អាស៊ាន។
សមត្ថកិច្ចខេត្តកោះកុងគំរាមកំហែងពលរដ្ឋរងគ្រោះដីធ្លីមិនឱ្យមកភ្នំពេញ ដើម្បីគាំទ្រសមាជិកដែលត្រូវចូលបំភ្លឺនៅតុលាការ
មន្ត្រីសង្គមស៊ីវិលថាទង្វើរបស់អាជ្ញាធរនេះជាការរំលោភសិទ្ធិពលរដ្ឋ ធ្ងន់ធ្ងរ។
