កងទ័ពភូមិភាគ២របស់ថៃ បានបើកការវាយប្រហារដោយបំផ្លាញដងស្ទូច នៅប្រាសាទព្រះវិហារ ដែលឧបត្ថម្ភដោយរដ្ឋាភិបាលសហរដ្ឋអាមេរិក។
ព្រះសង្ឃ និងពលរដ្ឋទទូចឱ្យអាជ្ញាធរពាក់ព័ន្ធជួយផ្ដល់ស្បៀង និងសេវាថែទាំសុខភាព ដល់ជនភៀសសឹក ព្រោះថា ពលរដ្ឋមួយចំនួន ដែលចាកចេញពីលំនៅឋាន មកស្នាក់នៅតាមតង់កៅស៊ូ នៅទីសុវត្ថិភាព ពុំបានត្រៀមស្បៀង និងសម្ភារៈគ្រប់គ្រាន់នោះទេ
យោធាថៃបានគំរាមបំផ្ទុះស្ពានស្ទឹងមេទឹករបស់កម្ពុជា ដែលមានទីតាំងស្ថិតនៅ ឃុំថ្មដា ស្រុកវាលវែង ខេត្តពោធិ៍សាត់ និងព្រមានឱ្យពលរដ្ឋខ្មែរជម្លៀសចេញ។
ពលរដ្ឋខ្មែរ និងសកម្មជននយោបាយគណបក្សប្រឆាំងនៅក្រៅប្រទេសនឹងប្រមូលផ្ដុំគ្នាធ្វើបាតុកម្មប្រឆាំងនឹងប្រទេសថៃវាយប្រហារឈ្លានពានកម្ពុជាជាថ្មី និងទាមទារឱ្យប្រទេសថៃគោរពបទឈប់បាញ់ និងច្បាប់អន្តរជាតិ។
គណៈកម្មាធិការជាតិអូឡាំពិកកម្ពុជាសម្រេចប្រកាសដកខ្លួនចេញពីការប្រកួតកីឡាស៊ីហ្គេមលើកទី៣៣ ឆ្នាំ២០២៥ ដោយបារម្ភពីសុវត្ថិភាពអត្តពលិក បន្ទាប់ពីអាជ្ញាធរកីឡារបស់ថៃចោទប្រកាន់ថា កម្ពុជាបំពានច្បាប់ថៃ ករណីពាក់អាវមានឡូហ្គូក្រុមហ៊ុនល្បែងណាហ្គាវើលដ៍ (Nagaworld)។
រដ្ឋបាលប្រធានាធិបតីអាមេរិកកាលពីយប់ថ្ងៃទី៩ ធ្នូ បានចេញមុខសម្ដែងក្តីព្រួយបារម្ភចំពោះការប្រយុទ្ធគ្នាជាថ្មីរវាងកម្ពុជា និងថៃ ក្រោយកិច្ចខិតខំប្រឹងប្រែងរកបទឈប់បាញ់ និងសន្តិភាពរបស់អាមេរិកកំពុងបរាជ័យដោយសារការវាយប្រហារឈ្លានពានរបស់យោធាថៃមកលើកម្ពុជា។
ប្រជាពលរដ្ឋរស់នៅក្បែរព្រំដែនកម្ពុជា-ថៃ ស្ថិតនៅក្នុងខេត្តឧត្តរមានជ័យ និងបណ្ដាខេត្តមួយចំនួនទៀត បន្តនាំកូនចៅភៀសខ្លួនទៅកាន់កន្លែងសុវត្ថិភាព ខណៈយោធាថៃបង្កើនការវាយប្រហារទាំងលើទីតាំងយោធា និងទីតាំងជនស៊ីវិលរបស់កម្ពុជា។ នៅថ្ងៃទី០៩ ខែធ្នូនេះ កងទ័ពថៃបន្តប្រើប្រាស់អាវុធធន់ធ្ងន់គ្រប់ប្រភេទ ជាពិសេសប្រើយន្តហោះចម្បាំង F-16 ទម្លាក់គ្រាប់បែកនៅចំកណ្ដាលទីក្រុងសំរោងរបស់ខេត្តឧត្តរមានជ័យ រួមទាំងការវាយប្រហារលើទីតាំងសាលារៀន និងវាយបំផ្លាញប្រាសាទបុរាណខ្មែរ ដូចជាប្រាសាទតាក្របី និងប្រាសាទព្រះវិហារជាដើម។
ក្រសួងវប្បធម៌ និងវិចិត្រសិល្បៈកម្ពុជានៅថ្ងៃទី៩ ធ្នូ ចេញសេចក្តីថ្លែងការណ៍ថ្កោលទោសយ៉ាងដាច់អហង្ការចំពោះយោធាថៃ ដែលបានបាញ់បំផ្លាញប្រាសាទបុរាណខ្មែរតាក្របីជាទីគោរពសក្ការៈរបស់កម្ពុជា។ក្រសួងចាត់ទុកការបាញ់បំផ្លាញនេះ ជាទង្វើសាហាវបង្ហាញពីភាពអសីលធម៌ ការប្រមាថមាក់ងាយដល់វប្បធម៌ អរិយធម៌ និងទីសក្ការៈដែលជាមរតកមនុស្សជាតិ ជាពិសេសមរតកវប្បធម៌ដែលដូនតាខ្មែរបានកសាងបន្សល់ទុក មានតម្លៃមិនអាចកាត់ថ្លៃបាន។ក្រសួងវប្បធម៌អះអាងថា យោធាថៃកំពុងបន្តបាញ់ប្រហារដោយគ្មានញញើតមកលើគ្រប់ទីតាំង មិនថា ជាទីតាំងជនស៊ីវិល ឬទីតាំងបេតិកភណ្ឌនោះទេ ក្នុងនោះក៏មានប្រាសាទព្រះវិហារ ដែលរងការបំផ្លាញ ធ្វើឱ្យអគារអភិរក្សក្រោមកិច្ចសហប្រតិបត្តិការអភិរក្សកម្ពុជា-ឥណ្ឌា ខូចខាតទាំងស្រុង រួមទាំងរចនាសម្ព័ន្ធផ្សេងៗទៀតរបស់ប្រាសាទ។ក្រសួងវប្បធម៌អំពាវនាវឱ្យមជ្ឈដ្ឋានជាតិ អន្តរជាតិ ជាពិសេសអង្គការយូណេស្កូ (UNESCO) ចូលរួមថ្កោលទោស...
ថ្លែងប្រាប់អ្នកសារព័ត៌មាន នៅមុខវិមានរដ្ឋាភិបាល នៅថ្ងៃទី៩ ខែធ្នូ នេះ នាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ លោក អានុទីន ចាន់វីរៈគុល (Anutin Charnvirakul) បានលើកឡើងថា សង្គ្រាមនៅតំបន់ព្រំដែន រវាងកម្ពុជា និងថៃ នៅពេលនេះ បញ្ឈប់លែងបានហើយ ដោយរដ្ឋាភិបាលស៊ីវិលរបស់លោក នឹងគាំទ្រប្រតិបត្តិការរបស់យោធាថៃ ១០០ភាគរយ ដើម្បីកម្ទេចកម្ពុជា ឱ្យតដៃលែងកើត និងអស់លទ្ធភាព។លោក...
អគ្គលេខាធិការអង្គការសហប្រជាជាតិបង្ហាញក្តីព្រួយបារម្ភអំពីការប៉ះទង្គិចប្រដាប់អាវុធសាជាថ្មីរវាងកម្ពុជា និងថៃ ព្រមទាំងអំពាវនាវឱ្យមានការអត់ធ្មត់ និងការសន្ទនាដើម្បីដោះស្រាយបញ្ហាជម្លោះព្រំដែន។
អ្នកចាញ់បោកអតីតឧកញ៉ា ហ៊ី គឹមហុង ធ្លាក់ខ្លួននិងឈឺស្លាប់បន្តបន្ទាប់ ក្រោយគ្មានយុត្តិធម៌ ២ឆ្នាំ
ពលរដ្ឋដែលដាក់ប្រាក់វិនិយោគជាមួយក្រុមហ៊ុនលោក ហ៊ី គឹមហុង អះអាងថា ថ្មីៗនេះ មានពលរដ្ឋពីរនាក់ទៀតស្លាប់ ដោយសារតែវិបត្តិគ្រួសារ និងរងសម្ពាធពីធនាគារ ខណៈដំណោះស្រាយពីតុលាការនៅតែមិនទាន់មានពន្លឺយុត្តិធម៌ សម្រាប់ពួកគាត់។
