សំណើនេះ ធ្វើឡើងបន្ទាប់ពីយោធាថៃ បានវាយប្រហារមកលើទីតាំងជនស៊ីវិល នៅលើទឹកដីខ្មែរជាច្រើនកន្លែង ដោយប្រើលេសថា ទីតាំងទាំងនោះគឺជាមូលដ្ឋានរបស់កងទ័ពខ្មែរ និងជាទីតាំងប្រតិបត្តិការឆបោកតាមអ៊ីនធឺណិត ដែលធ្វើឱ្យអន្តរជាតិមួយចំនួន មានការយល់ច្រឡំ។
ប្រទេសហ្វីលីពីន (The Philippines) ដែលនៅសល់តែប៉ុន្មានថ្ងៃខាងមុខនេះនឹងចូលខ្លួនធ្វើជាប្រធានប្តូរវេនអាស៊ាន បន្តពីប្រទេសម៉ាឡេស៊ីប្រកាសថា បានត្រៀមខ្លួនរួចជាស្រេចដើម្បីដោះស្រាយជម្លោះរវាងកម្ពុជា-ថៃ។
អ្នកវិភាគថា ការលើកឡើងនេះ ជារឿងត្រឹមត្រូវ ប៉ុន្តែ ពុំមានប្រសិទ្ធភាព ក្នុងការ បញ្ឈប់សង្គ្រាម ឈ្លានពានរបស់ថៃមកលើកម្ពុជានោះទេ ប្រសិនបើស្ថាប័នអន្តរជាតិនេះ មិនរកការពិតនៃអំពើឈ្លានពានរបស់ថៃ យកមកវិធានការជាក់លាក់តាមផ្លូវច្បាប់។
នៅព្រឹកថ្ងៃច័ន្ទ ទី២២ ធ្នូ នេះ ពលរដ្ឋមួយក្រុមដែលមានគ្នាជិត ១០នាក់តំណាងពលរដ្ឋប្រមាណ ១០០នាក់ដែលបានធ្វើញត្តិរួមគ្នា ទាមទារឱ្យសហរដ្ឋអាមេរិកទទួលខុសត្រូវ និងអន្តរាគមន៍ជាបន្ទាន់បញ្ឈប់សកម្មភាពឈ្លានពានរបស់ថៃលើប្រទេសកម្ពុជា និងបញ្ឈប់ការប្រើប្រាស់យន្តហោះចម្បាំង F-16។
កិច្ចប្រជុំពិសេសនៃក្រុមរដ្ឋមន្ត្រីការបរទេសអាស៊ាន នៅថ្ងៃទី២២ ខែធ្នូនេះ មិនបានធ្វើឱ្យកម្ពុជានិងថៃ ឈានដល់ការព្រមព្រៀងណាមួយ ដើម្បីអនុវត្តឡើងវិញនូវបទឈប់បាញ់ដែលបានចុះហត្ថលេខាកាលពីថ្ងៃទី២៨ ខែកក្កដា និងកិច្ចព្រមព្រៀងសន្តិភាពទីក្រុងកូឡាឡាំពួរ កាលពីថ្ងៃទី២៦ ខែតុលានោះឡើយ។
រដ្ឋមន្ត្រីការបរទេសថៃ លោក ស៊ីហាសាក់ ភួងកេតកែវ បានបញ្ជាក់ពីលក្ខខណ្ឌបីយ៉ាង ឱ្យកម្ពុជាបញ្ឈប់ការបាញ់ប្រហារជាមុនឱ្យជាក់លាក់ និងចូលរួមសហការដើម្បីបោសសម្អាតមីននៅតាមព្រំដែន។
កងទ័ពជើងអាកាសថៃព្រមានថា នឹងមិនបង្អង់ដៃវាយប្រហារតាមដែនអាកាសលើកម្ពុជាឡើយ ដរាបណាកម្ពុជាមិនព្រមទទួលយកលក្ខខណ្ឌ៣ចំណុចរបស់ខ្លួន ហើយថា ការបន្តប្រតិបត្តិការយោធានេះ ដើម្បីស្វែងរកសន្តិភាពដ៏យូរអង្វែងមួយ។
យោធាថៃបន្តវាយប្រហារកម្ពុជាកាន់តែខ្លាំងឡើងៗដោយលែងខ្វល់នឹងសំណើអន្តរាគមន៍ពីប្រទេសមហាអំណាច ហើយបន្តចោទប្រកាន់ប្រទេសកម្ពុជាថា រំលោភបំពាន និងប្រើលេសកម្ចាត់ក្រុមឧក្រិដ្ឋកម្មអនឡាញនៅកម្ពុជា។
ការចេញមុខទទូចឱ្យប្រទេសថៃបញ្ចប់ភាពតានតឹងនេះ បានកើតឡើងក្រោយពីនាយករដ្ឋមន្ត្រីចាំផ្ទះរបស់ថៃលោក អានុទីន ចាន់វីរៈគុល កាលពីថ្ងៃទី១៣ ខែធ្នូ បានទាត់ចោលការអំពាវនាវរបស់ប្រធានាធិបតីសហរដ្ឋអាមេរិកលោក ដូណាល់ ត្រាំ ដែលចង់ឱ្យកម្ពុជានិងថៃបញ្ចប់សង្គ្រាមជាលើកទី២ ហើយវិលត្រឡប់ទៅអនុវត្តតាមកិច្ចព្រមព្រៀងសន្តិភាពកាលពីខែតុលាឡើងវិញ។
លោកចង់ឃើញក្រុមយុវជនទាំងនោះគួរកៀរគរគ្នាបន្ថែមទៀតធ្វើ សកម្មភាពមនុស្សធម៌ជួយទៅដល់ជនភៀសសឹកដែលកំពុងរងគ្រោះ ដូចជាណែនាំអំពីការថែទាំសុខភាព ការការពារខ្លួនដើម្បីសុវត្ថិភាពនៅពេលការវាយប្រហារមកដល់ និងអនាម័យជាដើម ជាជាងគ្រាន់តែនាំគ្នាមកសម្ដែងមតិ។
អ្នកឃ្លាំមើលសិទ្ធិមនុស្សព្រមានថា ការផ្ដន្ទាទោសយុវតីពីបទរិះគន់តាមអនឡាញ អាចប៉ះពាល់ដល់សេរីភាពបញ្ចេញមតិ
អ្នកឃ្លាំមើលសង្គម និងសិទ្ធិមនុស្សបានសម្ដែងការព្រួយបារម្ភចំពោះការផ្ដន្ទាទោសយុវតីអាយុ១៩ឆ្នាំម្នាក់ ឱ្យជាប់ពន្ធនាគាររយៈពេល៣ឆ្នាំ និងពិន័យជាប្រាក់៦លានរៀល ពាក់ព័ន្ធនឹងការបង្ហោះវីដេអូរិះគន់បញ្ហាសន្តិសុខនៅខេត្តពោធិ៍សាត់។
